Santuario de Santo André de Teixido
Lugar místico e de profunda devoción popular
O Santuario de Santo André de Teixido é, sen dúbida, un dos lugares máis singulares e místicos de Galicia, onde se fusionan a devoción, a lenda e unha paisaxe natural abraiante. Sitúase nun pequeno val da serra da Capelada, xusto sobre os impoñentes acantilados do cabo Ortegal.
Máis alá do seu valor arquitectónico, o que realmente define este lugar é a súa contorna e o profundo arraigamento da lenda popular. A tradición conta que "a Santo André de Teixido vai de morto quen non foi de vivo", una crenza que sostén que todo aquel que non visite o santuario en vida, deberá facelo despois de morto, reencarnado nun insecto, un réptil ou como alma en pena. Isto converteu este santuario no segundo centro de peregrinación de Galicia, só superado por Santiago de Compostela.
Os que peregrinan ao santuario, ao cumprir a súa promesa, adoitan adquirir "sanandresiños" (figuras de miolo de pan) e, en ocasións, depositan pedras nos "amilladoiros" como símbolo dunha promesa cumprida, un desexo ou un acto de fe. Estes montóns de pedras, nun xeoparque da UNESCO, resaltan a conexión cultural e histórica entre a xente e a contorna xeolóxica.
