Lagoa e areal da Frouxeira
Santuario de aves migratorias
A lagoa e o areal da Frouxeira conforman un enclave natural único e de gran valor. Este espazo, protexido como zona húmida de importancia internacional (sitio Ramsar), forma parte da Zona Especial de Conservación (ZEC) "Costa Ártabra" e da Zona de Especial Protección para as Aves (ZEPA) "Costa de Ferrolterra - Valdoviño".
A lagoa é un ecosistema ornitolóxico crucial que serve de descanso a aves migratorias e de cría para especies como o lavanco real. Alimentada polos ríos Vilar e Castro e separada do mar por un sistema de dunas, a súa salinidade variable crea un hábitat diverso para flora e fauna, que inclúe lontras.
Un sendeiro permite a observación de aves e o desfrute desta contorna natural de gran biodiversidade.
O areal da Frouxeira, unha extensa praia de area fina é recoñecida polas súas condicións óptimas para o surf e windsurf, polo que atrae a deportistas europeos pola súa forte ondada e ventos. É unha praia perfecta para pasear e gozar da natureza salvaxe do litoral galego.
