Miradoiro de punta Sarridal
Onde as rochas do monumento A Muller do Pescador forman un acantilado
O miradoiro de punta Sarridal ofrécenos unha das panorámicas máis impresionantes da costa de Cedeira. Aquí, o banco aséntase sobre as mesmas rochas do monumento A Muller do Pescador do porto de Cedeira.
Desde o punto de vista xeolóxico, estas rochas coñécense como “as anfibolitas de Candieira”, que afloran nunha extensa banda na zona máis occidental do complexo. Aínda que este territorio pasou un rigoroso control da UNESCO e é difícil atopar formacións pouco coñecidas, este conxunto rochoso é un dos menos estudados.
O que si se sabe é que os protolitos destas anfibolitas formáronse hai uns 500 millóns de anos (Ma), do mesmo xeito que a maior parte das litoloxías do Complexo, coa excepción das ofiolitas e as peridotitas dos macizos ultramáficos.
