Ruta 9. Cedeira, Moeche, Cerdido e Valdoviño: tres días de costa salvaxe e esencia interior

Vive unha aventura completa combinando a mística costeira, o patrimonio xeolóxico do manto terrestre e a auténtica esencia rural do interior.

Duración: 3 días completos.

Inicia a túa aventura en Cedeira, visita o Museo Mares de Cedeira e explora o castelo da Concepción, con vistas panorámicas. Descubre o castro Sarridal e o miradoiro de punta Sarridal. Logo, diríxete cara ao faro de punta Candeeira e continúa a ruta cara ao miradoiro de Teixidelo e o santuario de Santo André de Teixido.

Continúa en Moeche e Cerdido. Descubre o castelo de Moeche e adéntrate despois na fraga dos Casás, un auténtico bosque atlántico.

Finalmente, o percorrido lévate a Valdoviño. Explora a praia do Baleo, e contempla as vistas desde o faro e batería costeira de Punta Frouxeira. Visita o Océano Surf Museo, a lagoa e o areal da Frouxeira, e busca a tranquilidade na ermida da Virxe do Porto. Culmina o teu día sentindo a enerxía da praia de Pantín, recoñecida mundialmente polas súas olas perfectas.