Océano Surf Museo

Ondas, historia e comunidade

O Océano Surf Museo, único en España, está dedicado integramente á cultura do surf e a súa conexión co océano, o ambiente e as comunidades costeiras. Máis alá do deporte, destaca o seu impacto cultural, histórico e natural, o que o converten nun lugar imprescindible para os amantes do surf e do mar.

Situado xunto á praia da Frouxeira, un lugar con condicións excepcionais para practicar surf todo o ano, este museo permite aprender sobre este deporte, a súa historia e a súa profunda conexión coa contorna marítima. É un claro exemplo da interacción entre xeoloxía e actividade humana.

Con grandes ventás fronte ao mar, o Museo ofrece unha experiencia visual única que une coñecemento e paisaxe.