Ruta 3. Valdoviño: ondas, dunas e paisaxes costeiros

Experimenta a adrenalina do surf nas súas praias salvaxes e a serenidade dunha lagoa con historia xeolóxica.

Duración: 1 día completo.

Sente a forza do Atlántico en Valdoviño. Comeza na praia do Baleo, un areal cuxas anfibolitas revelan a historia do antigo océano paleozoico Reico. Continúa cara ao faro e a batería de punta Frouxeira, unha testemuña histórica e militar con vistas panorámicas da costa. Adéntrate no universo do surf visitando o Océano Surf Museo, onde aprenderás a profunda conexión deste deporte co mar.

Busca a tranquilidade na ermida da Virxe do Porto e déixate envolver pola paz da lagoa e o areal da Frouxeira,  unha zona húmida protexida e crucial para aves migratorias. Remata o día sentindo a enerxía na praia de Pantín, mundialmente recoñecida polas súas ondas perfectas.